He mea whakanui hoki i ngā kaiwaiata Māori o Aotearoa me te maiangi ake o te reo Māori i roto i ā tātau ake waiata o te kāinga nei.
Ka nui te hōnore o Recorded Music New Zealand ki te whakamōhio atu i ngā kōwhiringa toa mō te Te Kaipuoro Māori Toa me Te Tohu Mana Reo a Te Māngai Pāho ki Ngā Tohu Waiata o Aotearoa.
He tohu hou a Te Mana Reo ki te rārangi tohu i tēnei tau 2020, he mea whakanui i ngā kōpae, i ngā waiata takitahi (ki rō whare hopu reo, ki runga papa whakangahau rānei) e 50% te rahinga o te reo Māori.
Ko ngā kowhiringa toa mō te Tohu Mana Reo a Te Māngai Pāho, ko Maimoa, ko Mōhau me SIX60, mō tā rātau whakanui i te reo Māori me te ū ki Te Ao Māori i roto i ā rātau waiata.
Ko ngā kōwhiringa toa mō te Te Kaipuoro Māori Toa ko Maimoa, ko Ria Hall me Stan Walker, he mea whakanui i ā rātau mahi i roto i te tau kua hipa me ā rātau koha ki te rāngai puoro o Aotearoa.
Ka whakawhiwhia ngā tohu e rua ki Ngā Tohu Puoro o Aotearoa ka tū i Te Rātapu 15 o Whiringa a Rangi, ā, ka whakapāhotia i taua wā tonu i runga i The Edge TV, Three me ThreeNow.
Kua tohua a Maimoa mō ngā tohu e rua – he kāhui pūhou, kaiwaiata Māori hoki he nui nei te kohara ki te whakatairanga i te reo Māori mā te puoro. Ko tā rātau whāinga kia tangata whenua ai te kōrerotia o te reo Māori ia ra, me te hāpai i te tangata ki te whakaputa i a rātau anō ki te arero tuatahi o Aotearoa..
Tekau mā tahi ngā waiata i runga i tā rātou kōpae a Rongomaiwhiti, e arotahi ana ki te tauawhitanga a te tangata i te tuakiritanga me te whakatinana anō ki te reo. Kua tohua hoki tā rātou waiata a ‘Whāia’ mō te tohu APRA Maioha, he mea whakanui i te titonga waiata hou.
Kua tohua hoki te pūkenga waiata, kaitito hoki a Ria Hall mō te Tohu Kaipuoro Māori Toa a Te Māngai Pāho. He kaiwhiwhi o mua i te tohu Tūi, he mea whakahanumi ōna oro reo Māori, Pākeha anō hoki i ngā momo waiata maha mā roto atu i te whakapaparanga mai o ngā reo mīere, ā, ko te otinga atu ko te momo oro ka tauawhi ka wero hoki i ngā momo maha.
Ko tana kōpae hou a Manawa Wera he mea kapo i te ia me te mana rekereke o Aotearoa, e tō mai ana hoki i ngā āhuatanga whakaaweawe pēnei i a Steel Pulse, a Bob Marley, Sly rāua ko Robbie me Herbs, me te ū anō hoki o te kōpae ki te āhua ake o Ria Hall.
Kua hoki mai te huia tū rae o te waiata me te pouaka whakaata a Stan Walker hei tautapa mō te tohu Te Kaipuoro Māori Toa a Te Māngai Pāho, nō muri mai i tana whakauhi i ngā tohu i te 2018.
He nui āna waiata takitahi kua puta i ngā marama tekau mā rua ki muri, tae atu ki tāna waiata hou a ‘Bigger/Tua’ (he mea tukuna i roto i te reo Māori me te reo Pākeha.)
He mea aro tana waiata a ‘Bigger/ Tua’ ki tōna whānau me tōna whakapapa tae noa ki ōna awhero mō te reanga o āpōpō – te whakaū me te arotau i te reo Māori me te hunga whakarongo.
E whakaoti ana ia i tana kōpae whakaaturanga mataora tuatahi, ā, ka whakarewahia hoki āna kupu whakamahara a ‘Impossible: My Story” i te marama o Whiringa a Nuku.
Kua tohua tētahi atu kāhui waiata mō te Tohu Mana Reo a Te Māngai Pāho hoki. Ko Mōhau te whakaemitanga mai o Rob Ruha, Ria Hall, Troy Kingi, Bella Kalolo, Majic Paora, Kaaterama Pou, te tira waiata nui whakahirahira o Te Tairāwhiti a Ka Hao, me The Witch Doctor & Friends.
E waru ngā waiata whakamoemiti o runga, he mea titoa katoatia ki te reo Māori, ā, he mea hopu i te wā kotahi i te whare hopu reo o Parachute Music, ā, he mahi tahi nā InDigiNation Music, Parachute Music me Oati. I tukuna te kōpae whakaaturanga mataora i te Hakihea, 2019, ā, ko te oro matihiko i tukuna ki te ao i te marama o muri mai i te tau 2020.
Hei whakaoti ake, kua tohua a SIX60 mo Te Tohu Mana Reo mō tā rātau koha ki te kōpae mahi tahi o Waiata/ Anthems.
Ko tā rātau waiata ‘Kia Mau Ki Tō Ūkaipō’ he uhi reo Māori o tā rātau waiata rongonui nō te tau 2011 a ‘Don’t Forget Your Roots’, me ngā kupu kua whakamāoritia e te tohunga mātauranga o te reo Māori me ngā mahi a Rēhia, a Tīmoti Samuel Kāretū.
Neke atu i te 3 miriona ngā pāhotanga i runga i a Spotify, ā, i whakaaturia hoki e te pēne a ‘Kia Mau Ki Tō Ūkaipō’ i tō rātau Tāpoi Raumati 2020, me te whakatangi ki te hunga neke atu i te 30,000 kaiwhakamiha me te taunaki mai a te rōpu Kapa Haka.
E ai ki a David Vaughan, te kaiurungi o Recorded Music New Zealand, he mea nui te hokinga mai o te tohu Mana Reo, i te nui o ngā waiata reo Māori hei mihi hei whakanui mā tātau.
“He mea hira te whakanui i te reo Māori hei tūāpapa mō te ahurea Māori, hei taonga tuku iho, hei tuakiri, inā noa atu tō mātau waingohia ki te nui o ngā kaiwhakataetae i tēnei tau tuatahi, he tohu nui tērā o te rahi o ō tātau kaiwaiata e hopu ana i ā rātau waiata ki te reo Māori” hei tā Vaughan.
“Me whakahīhī tātau ki ēnei kōwhiringa toa ka tika, me te huhua noa o ngā kaiwaiata me ngā kaupapa e whata ana i te reo Māori me Te Ao Māori hei mata mō te tuakiri ā motu.”
Ko te whakaihuwaka o te Kaipuoro Māori Toa a Te Māngai Pāho me ngā tohu Mana Reo ka whakapāhotia ki Ngā Tohu Puoro o Aotearoa. Ka tū te kaupapa nei i te Rātapu i te 15 o Whiringa a Rangi i Spark Arena, ā, ka whakapāhotia ā pāhotanga mataora i runga i a Edge TV, i a TV THREE me ThreeNow.
ANNOUNCING THE AOTEAROA MUSIC AWARDS BEST MĀORI ARTIST AND MANA REO AWARD FINALISTS
Celebrating Aotearoa’s Māori musicians and the rise of te reo Māori in our homegrown music
Recorded Music New Zealand is honoured to announce the finalists for the Aotearoa Music Award’s Te Māngai Pāho Te Kaipuoro Māori Toa | Best Māori Artist and Mana Reo Awards.
The Mana Reo Award is new to the Tui line-up in 2020, recognising albums or singles (of studio or live performances) with at least 50% te reo Māori content.
The finalists for Te Māngai Pāho Mana Reo Award are Maimoa, Mōhau and SIX60, for their celebration of te reo Māori and commitments to Te Ao Māori in their music.
The finalists for Te Māngai Pāho Te Kaipuoro Māori Toa are Maimoa, Ria Hall and Stan Walker, recognising their work over the last year and their contributions to Aotearoa music.
The two awards will be presented at the Aotearoa Music Awards, which are taking place on Sunday 15 November and will be broadcast live on The Edge TV, Three and ThreeNow.
Nominated for both awards, Maimoa are a collective of young Māori musicians with a passion to promote te reo Māori through music. Their goal is to help normalise the use of the Māori language in everyday life, empowering people to express themselves in the first tongue of Aotearoa.
Their album Rongomaiwhiti features 11 songs with a focus on embracing identity and expression through language. Their waiata ‘Whāia’ is also nominated for the 2020 APRA Maioha Award, which recognises contemporary Māori songwriting.
Critically acclaimed singer songwriter Ria Hall is also in the running for Te Māngai Pāho Te Kaipuoro Māori Toa. A previous Tui winner, Ria’s richly layered vocals both in English and te reo Māori creates a soundscape that embraces and challenges multiple genres
Her latest album Manawa Wera aimed to capture the essence and mana of Aotearoa reggae, drawing inspiration from the likes of Steel Pulse, Bob Marley, Sly and Robbie and Herbs while remaining a uniquely Ria Hall record.
Kiwi icon of music and television Stan Walker returns as a nominee for Te Māngai Pāho Te Kaipuoro Māori Toa after hosting the awards in 2018.
He has released numerous singles in the last 12 months, including the most recent ‘Bigger/Tua’ (released in both te reo Māori and English).
‘Bigger/Tua’ looks at his whanau and whakapapa and his hopes for the future generations, while showing his dedication to upholding and prioritising Māori language and audiences.
He is currently finishing up his first live album and will be releasing his memoirs Impossible: My Story in October.
Another collective is nominated for the Te Māngai Pāho Mana Reo award. Mōhau is Rob Ruha, Ria Hall, Troy Kingi, Bella Kalolo, Majic Paora, Kaaterama Pou, the East Coast Tira Waiata sensation Ka Hao, and The Witch Doctor & Friends, who have collaborated to create an incredible self-titled album.
Made up of eight waiata whakamoemiti (gospel songs), the songs were composed entirely in te reo Māori and were recorded in a single take at Parachute Music studios as a joint effort between InDigiNation Music, Parachute Music and Oati. The live visual album was then released in December 2019 with the audio released to the world a month later in 2020.
Finally, SIX60 are nominated for the Mana Reo award for their contribution to the collaborative album Waiata / Anthems.
Their track ‘Kia Mau Ki Tō Ūkaipō’ is a te reo Māori cover of their acclaimed 2011 hit ‘Don’t Forget Your Roots’, featuring lyrics reinterpreted by academic of Māori language and performing arts Sir Tīmoti Samuel Kāretu.
It has accumulated over 3 million streams on Spotify, and the band performed ‘Kia Mau Ki Tō Ūkaipō’ on their 2020 Summer Tour, playing it in front of over 130,000 fans with full Kapa Haka backing.
Recorded Music New Zealand CEO Damian Vaughan says the reintroduction of the Mana Reo award was an important category to bring back, with the number of recordings in te reo Māori needing to be recognised and celebrated.
“Acknowledging the importance of te reo as a cornerstone of our culture, our heritage and identity, we were very pleased to note that we received a massive amount of entries in this first year which shows the number of our artists recording their waiata in te reo Maori,” says Vaughan.
“We should be proud of all these finalists and the many other artists and initiatives bringing te reo Māori and Te Ao Māori to the forefront of our national identity.”
The winner of the 2020 Te Māngai Pāho Te Kaipuoro Māori Toa and Mana Reo Awards will be announced at the Aotearoa Music Awards | Ngā Tohu Puoro o Aotearoa. The event will be taking place Sunday 15 November at Spark Arena and will be broadcast live across Edge TV, Three and ThreeNow.